Sərhədçi istehkamçılar Qubadlı rayonunda piyada əleyhinə 120 mina zərərsizləşdiriblər

Azərbaycan Prezidenti İlham Əliyevin Müzəffər Ali Baş Komandanlığı ilə Vətən müharibəsində qazanılmış möhtəşəm Qələbə sayəsində dövlətimizin ərazi bütövlüyü təmin edildikdən, o cümlədən ölkəmizin Ermənistan Respublikası ilə dövlət sərhədi işğaldan azad olunduqdan sonra bu ərazilərdə zəruri sərhəd mühafizə infrastrukturunun yaradılması üzrə tədbirlər davam etdirilir.

Dövlət Sərhəd Xidmətinin mətbuat mərkəzindən  bildiriblər ki, Ermənistan Silahlı Qüvvələrinin dövlət sərhəd xətti boyu minaladığı ərazilər DSX-nin mühəndis-istehkam bölmələri tərəfindən hazırda minalardan təmizlənir.

Sərhədçi istehkamçılar yanvarın 31-də Qubadlı rayonunun Məlikəhmədli kəndi yaxınlığında piyada əleyhinə 120 mina zərərsizləşdiriblər.