Messidın yeni rekord
İspaniya La Liqasının XXI turunda “Atletik”lə keçirilən oyun “Barselona”nın kapitanı Lionel Messi üçün əlamətdar olub.
Oyunun 20-ci dəqiqəsində hesabı açan argentinalı superulduz ölkə çempionatında cərimə zərbəsindən 38-ci dəfə fərqlənib.
Bununla 34 yaşlı futbolçu öz rekordunu yeniləyib. O, bu baxımdan ən yaxın izləyicisi olan sabiq “Real”lı Kriştianu Ronaldonu (19 qol) ikiqat qabaqlayır. Son 25 ildə standart vəziyyətdən ən çox qol vuran üçüncü oyunçu “Real”ın formasını geyinmiş Roberto Karlosdur (16). Onu digər braziliyalı olan “Barselona”nın əfsanəsi Ronaldinyo (15) izləyib.
Maraqlı xəbərləri Mediazona.az Facebook səhifəmizdən izləyin.
—————————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP