Bu gün Ağdamın işğaldan azad edilməsi münasibətilə bir qrup Ağdam sakini Şəhidlər Xiyabanını ziyarət edib.

Ziyarətçilər əbədi məşəli önünə gül dəstələri qoyub, öz ürək sözlərini səsləndiriblər.

Bildirilib ki, bu gün Azərbaycan tarixinə yazılacaq gündür. Bu gün bütün dünya Azərbaycan ordusunun nəyə qadir olduğunu gördü. Bu 28 illik işğal müddətində Ağdamın qayıtmayacağına bir an belə şübhə etmədik. Ağdamın uğrunda döyüşlərdə 7000-dən çox şəhid vermişik. Bu gün onların ruhları qarşısında baş əyirik. İnanırıq ki, tezliklə Ağdamda əvvəlkindən də gözəl quruculuq işləri aparılacaq, Ağdam əvvəlkindən də gözəl olacaq.

Sonra Azərbaycanın dövlət himni səsləndirilib.

Daha sonra şəhidlərin məzarları ziyarət edilib, məzarları önünə gül dəstələri düzülüb.