“Humanitar yardımla dolu olan yük maşınları, Ermənistan-Gürcüstan sərhədindən keçib. Ərzaq məhsulları olan 2 maşın Ninotsminda-Bavra nəzarət-buraxılış məntəqəsinin ərazisi ilə yola salınıb”.

24News.ge xəbər verir ki, bu barədə Gürcüstan parlamentinin keçmiş deputatı, “Qeyrət” qeyri-hökumət təşkilatının təsisçisi Zümrüd Qurbanlı öz facebook hesabında qeyd edib. O baş verənləri ciddi təndiq edib: “Gürcüstanın güc orqanları ilə uzun sürən danışıqların nəticəsində əldə olan razılaşmaya görə, ərzaq məhsulu olan maşınlar Ermənistan-Gürcüstan sərhəddini maneəsiz şəkikdə keçəcəklər. Maşın şinləri ilə dolu yük avtomobilləri isə xüsusi razılıq aldıqdan sonra Gürcüstan sərhəddini keçə biləcək. Xatırladaq ki, son bir neçə saat ərzində Ermənistan-Gürcüstan sərhədində xaos hökm sürürdü. Hüquq-mühafizə orqanları Cavaxetiya da gənclərin təşəbbüsü ilə toplanan humanitar yardımların göndərilməsini sərhəddə dayandırmışdır. Sərhəddə 5 minə yaxın adam toplandmışdır. Çox qəribədir Marneulidə bir kiçik loyal hadisəyə Gürcüstanın xüsusi təyinat qüvvələri cəlb edilir, saatlardı gömrüyü xaosa çevirən bu insanlara heçnə deyən yoxdur. İkincisi ərzaq, humanitar yardım bir pərdədir, faktiki olaraq insanlar döyüşə çagrış edir və özləridə döyüşə gedir, bu da Gürcüstan qanunvericiliyi ilə suçdur. Görünür qanunlar bəzi hallarda bilərəkdən blokə edilir”, – deyə Zümrüd Qurbanlı qeyd edib.