Gəncədə vəzifəli şəxslər həbs edildi
Baş Prokuror yanında Korrupsiyaya Qarşı Mübarizə Baş İdarəsinin əməkdaşları Gəncə şəhərində çalışan keçmiş yüksək vəzifəli şəxsləri həbs ediblər. Saxlanılan şəxslər Memarlıq və Şəhərsalma İdarəsinin sabiq rəisi Məharət Mustafayev və Gəncənin keçmiş baş memarı Əli Rüstəmlidir.
Məharət Mustafayev Bakı şəhərində saxlanılaraq, istintaqa cəlb edilib. Əli Rüstəmli isə, Gəncə şəhərində saxlanılıb.
Xatırladaq ki, Məharət Mustafayev bir müddət Gəncə şəhər Nizami rayon İcra Hakimiyyəti başçısı vəzifəsində çalışıb. Sonralar Gəncə Memarlıq və Şəhərsalma İdarəsinin rəisi olub. Əli Rüstəmli isə, Gəncənin baş memarı vəzifəsində çalışıb. Hətta bir dəfə bu vəzifədən uzaqlaşdırılıb və yenidən təyin olunub.
İlkin məlumata görə, saxlanılan şəxslər qeyri-qanuni torpaq alqı-satqısı ilə məşğul olublar.
Maraqlı xəbərləri Mediazona.az Facebook səhifəmizdən izləyin.
—————————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP