“Vaxtilə Eldar Mahmudovun yaratdığı və onun çetesinə xidmət edən AFN.az və Yenigundem.az növbəti dəfə mənim adımı dərman preparatları ilə bağlı hallandırıblar.Guya Avromed Koronavirus müalicəsi üçün istifadə olunan bəzi dərmanları yalnız öz apteklərinə verir”.
Bu sözləri millət vəkili Cavanşir Feyziyev öz Facebook səhifəsində yazib. Millət vəkili yuxarıda adları çəkilən saytlara iradını bildirib, daha sonra reket saytlara müraciət ünvanlayıb:
“Karlar, korlar və bir sıra reket saytlarını idarə edən dələduzlar üçün bir daha təkrar etməyə məcburam:
Birincisi, mən 2010- cu il dekabrın 1-dək Avromedin Direktoru olmuşam. İndi isə 2020- ci ildir.
İkincisi, 2016- cı ildə səhmlərin mənə məxsus olan hissəsini satmışam və mənim Avromed şirkəti ilə heç bir əlaqəm yoxdur.
Üçüncüsü, koronavirusa qarşı dərman preparatları vitamin deyil ki, aptekdə satılsın. Bu dərmanlar ancaq koronavirusun müalicəsi ilə məşğul olan xüsusi xəstəxanalara TƏBİB tərəfindən verilə bilər. Kimsə bu dərmanları əldə edib öz aptekində satmaq istəyirsə, deməli möhtəkirlik etmək istəyir”.
Maraqlı xəbərləri Mediazona.az Facebook səhifəmizdən izləyin.
—————————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP
