Ermənistan ordusunun Naxçıvan istiqamətində təxribat cəhdinin qarşısı alınıb.
Ermənistan KİV xəbərlərinə görə, bu zaman hərbi hissələrdən birinin komandiri olan erməni zabitinin xidməti “Nissan Patriot” markalı avtomobili sıradan çıxarılaraq məhv edilib.
Düşmən ölkənin Müdafiə Nazirliyinin mətbuat katibi Şuşan Stepanyan faktı təsdiqləyib. O, Naxçıvan istiqamətində ordunun mövqeyini irəli çəkmək istədiyi zaman atəşə məruz qaldıqlarını söyləyib.
“İnsident tərəflər arasındakı neytral ərazidə yeni mövqelərimizi bərkidən zaman baş verib. Bəli, avtomobil yansa da, o, batalyon komandirinə xidmət göstərmirdi”.
Stepanyan cəbhədə atışma olduğunu, bu zaman hər iki tərəfin texnika sarıdan itki verdiyini söyləyib.
Maraqlı xəbərləri Mediazona.az Facebook səhifəmizdən izləyin
