Prezident sabiq MTN-çi Akif Çovdarovu ƏFV ETDİ

Ləğv edilmiş Milli Təhlükəsizlik Nazirliyinin (MTN) Energetika və Nəqliyyat Sahələrində Təhlükəsizlik Baş İdarəsinin sabiq rəisi, general-mayor Akif Çovdarov əfv edilib.

Prezident İlham Əliyev aprelin 6-da “Məhkum edilmiş bir sıra şəxslərin əfv olunması haqqında” sərəncam imzalayıb. Keçmiş MTN-çı Akif Çovdarovun da adı əfv olunanların  arasındadır.

Sabiq MTN-çi Çovdarov Akif Teymurxan oğlu, 1952-ci ildə anadan olmuş, Azərbaycan Respublikasının vətəndaşı, 2015-ci ilin dekabrın 14-də həbs edilmiş,Bakı Hərbi Məhkəməsinin 2017-ci il 30 oktyabr tarixli hökmü ilə 12 il müddətinə azadlıqdan məhrum edilmişdi.

Maraqlı xəbərləri Mediazona.az Facebook səhifəmizdən izləyin.