Deputatlığa namizəd Azər Quliyev seçicilərlə növbəti görüş keçirib

Deputatlığa namizəd Azər Quliyev seçicilərlə növbəti görüş keçirib.

Rayon ağsaqqalları namizədi sakinlərə təqdim etdikdən sonra, A.Quliyev sakinlərə öz seçki platforması haqda geniş məlumat verib. O, bildirib ki, bu seçkilər dövlət başçsı cənab İlham Əliyevin apardığı islahatların daha effektiv olmasına yardım edəcək. Əhalinin seçkilərə bu qədər önəm verməsi böyük ümid və inamın göstəricisidir. Seçki platformasında iqtisadi və sosial məsələlər xüsusi maraq göstərən sakinlər öz suallarını verdilər. Yerli istehsalata, habelə kiçik və orta biznesə hansı formada dəstək göstəriləcəyi haqda suallar verildi. Azər Quliyev bildirdi ki, ilk öncə dövlət büdcəsindən rayona ayrılan maliyyə vəsaitinin sərf olunması ilə bağlı şəffaflıq təmin olunmalıdır.

Daha sonra maliyyə qurumlarını biznes kreditlərin artırmağa təşfiq etmək gərəkdir. Dövlət subsidiyalarının rahat əldə olunması üçün kiçik və xırda sahibkarlara yardım göstərilməlidir. Habelə, xarici sərmayələrin cəlbi, yeni və innovativ ideyaların tətbiqi, start-aplara dəstək də zəruridir. Bütün bunları digər dövlət qurumları ilə əməkdaşlıq yolu ilə təmin etmək mümkündür. Təbii ki, qanunverii təşəbbüs də tələb olunarsa, məsələ bu müstəvidə də qaldırılacaq.MediaZona.Az