Avropa Şurasının rəsmiləri Vəkillər Kollegiyasında olublar
Avropa Şurasının İnsan Hüquqları Siyasəti və İnkişaf Departamentinin rəhbəri Mixail Lobovun rəhbərlik etdiyi nümayəndə heyəti Vəkillər Kollegiyasının Rəyasət Heyətində olublar.
Görüşün məqsədini Avropa Şurasının 2018-2021-ci il Azərbaycan üzrə Fəaliyyət Planı çərçivəsində Azərbaycan Respublikasının Vəkillər Kollegiyası ilə Avropa Şurası arasında əməkdaşlıq perspektivlərinin müzakirəsi təşkil edir.
Qonaqları giriş sözü ilə salamlayan Kollegiyasının sədri Anar Bağırov AŞ ilə Vəkillər Kollegiyası arasında formalaşmış fayadlı əməkdaşlıq münasibətlərinin səviyyəsindən məmnun qaldığını ifadə etmiş, xüsusilə vəkillərin və vəkillyə namizədlərin peşəkar hazırlıqlarının artırılmasında AŞ-nin dəstəyini xüsusi vurğulamış və bu xüsusda qonarlara öz təşəkkürü bildirmişdir.
Daha sonra müzakirələr çərçivəsində 2018-2021-ci illər üzrə Fəaliyyət Planına uyğun olaraq, vəkillərin davamlı tədrisi çərçivəsində onların HELP proqramı üzrə tədrisinin davam etdirilməsi, vəkilliyə qəbulub prosesinin daha da asanlaşdırılması, ilkin və davamlı tədrisə dəstək verilməsi, vəkillərin intizam icraatı prosesinin təkmilləşdirilməsi və vəkillərin etik davranış kodeksinə riayət edilməsi sahəsində fəaliyyət və sair məsələlər ətrafında fikir mübadiləsi aparılmışdır.
Sonra AŞ-nin Departament rəhbəri Mixail Lobov çıxış edərək, Fəaliyyət Planına uyğun olaraq aztəminatlı əhaliyə pulsuz hüquqi yardım xidmətlərinin göstərilməsi ilə bağlı Vəkillər Kollegiyasının regional ofislərinin işinə dəstək verilməsi üzrə fikirlərini bölüşmüşdür.MediaZona.Az
