Binəli Yıldırım “Urfalıyam əzəldən” oxudu – VİDEO
Bələdiyyə seçkilərində “Cümhur İttifaqı”ndan İstanbulun bələdiyyə sədri vəzifəsinə namizəd Binəli Yıldırım Şanlıurfaya səfəri zamanı mahnı oxuyub.
Türk mediası xəbər verir ki, Şanlıurfa bələdiyyəsinə baş çəkərkən onu əlilliyi olan bir qrup şəxsdən ibarət “Mehtəran” qrupu qarşılayıb.
“Urfalıyam əzəldən”i ifa edən gənc mahnının ardını oxuması üçün mikrofonu sabiq Baş nazirə uzadıb. B.Yıldırım təklifdən imtina etməyərək, oxumağa başlayıb.
Qeyd edək ki, martın 31-də Türkiyədə keçirilmiş bələdiyyə seçkilərində İstanbulun bələdiyyə sədri vəzifəsinə müxalif Cümhuriyyət Xalq Partiyasından namizəd olan Əkrəm İmamoğlu 4,169 milyon, B.Yıldırım isə 4,156 milyon səs toplamışdı.
Lakin Türkiyə Ali Seçki Komissiyası pozuntu iddialarını və etirazları nəzərə alaraq, İstanbulda bələdiyyə seçkilərinin ləğvi və yenidən keçirilməsi barədə qərar verib. MediaZona.Az