Avstraliya 2018 Dünya Çempionatını boykot etməyə hazırlaşır. Bu barədə ölkənin xarici işlər naziri Culi Bişop məlumat yayıb.
Xəbərə görə, Avstraliya bu il Rusiyada keçiriləcək futbol üzrə dünya çemponatında iştirakdan imtina etmək niyyətindədir. Nazir bildirib ki, Avstraliya Böyük Britaniya hökumətinin Rusiya ilə bağlı mövqeyini dəstəkləyir.
Nazir açıqlamasında deyib: “Sanksiyalara gəlincə, Avstraliya Rusiyaya münasibətdə bir sıra şəxslərə qarşı sanksiyalar təbiq edib. Xüsusi halda, onlar Krımın qanunsuz zəbt edilməsindən sonra siyahıya daxil ediliblər. Bu sanksiyalar təkrar gözdən keçirilib və yenilənib, bizdə Rusiyanın fiziki şəxslərinə və təşkilatlarına qarşı bir sıra sanksiyalar var”.
Qeyd edək ki, Avstraliya keçmiş rus agent Sergey Skirpal və qızının İngiltərədə zəhərlənərək öldürülməsinə görə Rusiyanın 2 diplomatını deportasiya edib. Sözügedən qərar isə deportasiya açıqlamasından bir neçə saat sonra qəbul edilib.
