Həmkarına fahişə deyən aktrisa indi də jurnalisti təhqir etdi
Xəbər verdiyimiz kimi, bir müddət öncə aktrisa Tunay Əliyeva öz instaqram hesabında həmkarı Pərvin Abıyevanı təhqir etdiyi üçün P. Abıyeva onu şərəf və ləyaqətini alçaltması səbəbiylə məhkəməyə verib. Bundan sonra Tunay Əliyeva da öz növbəsində P. Abıyevanı kütləvi informasiya vasitələrində həqiqətə uyğun olmayan və böhtan xarakterli ifadələr işlətdiyinə görə məhkəməyə verib.
Minval.İnfo xəbər verir ki, Tunay Əliyeva məsələni daha da qəlizləşdirərək, bu məsələni işıqlandıran lent.az saytının əməkdaşını təhqir edib.
Tunay Əliyeva sadəcə məhkəmə prosesində baş verənləri yazan jurnalistə bu sözləri ünvanlayıb: “Lent.az, mənim haqqımda böhtan yazmısan ki, guya mən kiməsə fahişə demişəm. Bax, deməmişəm, amma bu məlumatı sizin hansı işçiniz yazıbsa onun anası, bacısı, qızı, arvadına fahişə deyirəm”.
Qeyd edək ki, Tunay Əliyeva ölkə mediasında əsasən yarıçılpaq fotoları və çıxışları ilə tanınıb. Onun aktrisalıq qabiliyyəti bu fotolarının kölgəsində qalıb.
