Rusiyanın Mərkəzi Seçki Komissiyası hələlik 67 namizəddən prezident seçkilərində iştirak etmək arzularının olduğu barədə bildiriş qəbul edib.

Virtualaz.org “Rossiya 1” telekanalına istinadən xəbər verir ki, bunu “Vesti” proqramına müsahibəsində MSK-nın rəhbəri Ella Pamfilova bildirib. Onun sözlərinə görə, namizədlərdən 21-i partiyalar tərəfindən irəli sürülüb, digər 46 nəfər isə öz təşəbbüsü əsasında seçkilərə qoşulmaq niyyətindədir.

Ella Pamfilovanın sözlərinə görə, namizədlər arasında qəribəlikləri ilə seçilənləri də var: “Məsələn, namizədlərdən biri inadla bildirmişdi ki, sənədlərini məhz saat 22:22-də təqdim etməlidir”.