Çikaqodakı Şimal-Qərb Universitetinin amerikalı alimləri donor orqanın vəziyyətini davamlı olaraq izləyən ilk bioelektrik sensor hazırlayıblar.
Xarici KİV-lər xəbər verir ki, cihaz transplantasiya edilmiş bədən hissəsinin rədd edilməsi təhlükəsi barədə əvvəlcədən xəbərdarlıq etməlidir.
Yumşaq, tük kimi nazik sensor qreftə implantasiya edilir və iltihabla əlaqəli temperatur dəyişikliklərini eləcə də potensial orqan çatışmazlığına bədənin digər reaksiyalarını izləyir. İlk həyəcanverici simptomlarda cihaz simsiz şəbəkə vasitəsilə xəstəyə və həkimlərə problem barədə mesaj göndərir.
Gələcəkdə alimlər sensor akkumulyatorunu ömür boyu istifadə etmək üçün onu doldurmaq üsulunu hazırlamalı olacaqlar. Həkimlərin fikrincə, donor orqan istənilən vaxt – transplantasiyadan dərhal sonra və ya illər sonra sıradan çıxa bilər. Bu, adətən, birdən-birə insanın başına gəlir. Belə ki, transplantasiya edilən bir çox xəstə daimi narahatlıq içində yaşayır.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
