Bakı şəhərində yerləşən Bermuda Lounge restoranı ilk baxışda gözəl və rahat görünür. Şəhərin Əbdüləzəl Dəmirçizadə küçəsi 7 ünvanda yerləşən restoranın müştərilərə təklif etdiyi yeməklərlə və göstərilən xidmətlərlə işimiz yoxdur. Bu barədə ora üz tutan müştərilərin hərəsinin öz obyektiv və subyektiv fikri ola bilər və bunu onların ixtiyarına veririk.
Lakin məsələ təkcə təklif olunan yemək-içməklə, göstərilən xidmətlə bitməməlidir. Burada təhlükəsizlik amilinə də nəzər salıb, çatışmazlıqlara diqqət yetirilmək hamımızın vətəndaş borcu, vətəndaş mövqeyi olmalıdır.
Təhlükəsizlik qaydalarını sadəcə söz xatirinə qeyd etmədik. Belə ki, adı çəkilən restoranda elektrik naqilləri, hər hansi bir təhlükədən xəbər verən siqnalizasiya xətləri, təxliyyə yolları, yanğın zamanı istifadə olunacaq balonların yararsızlığı, otaqların yanğın təhlükəsizliyinə uyğun saxlanılmaması göz önündədir. Restoran 2 mərtəbəlidir. Zirzəmisi var. Çox ehtimal ki, zirzəmi daha da acınacaqlı vəziyyətdədir. Bütün bu hallar restoranda təhlükəsizliyin bərbad vəzikyyətdə olduğunu göstərir.
Müşahidə etdiyimiz bu hallarla məşğul olan və cavabdeh qurumları vəziyyətlə tanış edirik ki, gələcəkdə ola biləcək hər hansı bir hadisənin qarşısı vaxtında alınsın və kimsə zərər görməsin.
Yazımızın sonunda isə, bizi maraqlandıran bir suala cavab istərdik. Görəsən bu obyektin istismarı aidiyyəti orqanlarla razılaşdırılıbmi?
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP
