“Ermənistan  yenə  öz  xislətini  göstərdi.Terrorçu  vandal  və  nəinki   regiona,  hətta  bəşəriyyətə, dünya  ölkələrinə   təhlükə  olduğunu bir  daha     sübut  etdi”. Bunu  Olaylar.az-a Azərbaycanın  Bütövlüyü  Uğrunda  Cəmiyyətin  sədri Yunus  Oğuz  bildirib.

Onun sözlərinə görə, humanitar atəşkəs rejiminin tətbiq edilməsinə baxmayaraq, Ermənistan silahlı qüvvələrinin Gəncə şəhərində yaşayış binasını raket atəşinə tutaraq,  dinc insanları  qətlə yetirməsinin  adı   terrordur.

QHT sədri vurğulayıb ki, son  günlər  Azərbaycan ordusunun işğal edilmiş torpaqlarda işğalçı Ermənistana qarşı uğurlu əks-hücumlar həyata keçirməsi və  ərazilərimizin azad olunması, düşmənin canlı qüvvəsi və texnikasının  məhv edilməsi Ermənistanı cox  ciddi  narahat   edir. Ermənistan  bu  əks-hücumların  işğal olunmuş torpaqların  tam azad  edilməsinə   gətirib  çıxaracağını  bilir. Ona  görə  də  xain  əməllərini   vəhşicəsinə   həyata  keçirir.

QHT sədri  bildirib ki, ermənilərin  Gəncə şəhərində yaşayış binasını raket atəşinə tutaraq,  dinc insanları  qətlə yetirməsi Xocalı   faciəsinə  bərabər     terror aktıdır və  dünya  bu  vəhşiliyə  susmamalıdır.