Rusiya Azərbaycanlıları İttifaqının (RAİ) 12 oktyabr 2019-cu ildə Moskva şəhərində İkinci Forumu keçiriləcək. «Azərbaycan diasporu qloballaşan dünyada: mövcud vəziyyət və inkişafın perspektivləri» adlı İkinci Forumda iştirak etmək üçün artıq qeydiyyat başlayıb. Tədbirdə aşağıdakı məsələlərin müzakirəsi nəzərdə tutulub:
– Azərbaycan diasporu: müasir çağırışlar və sistemli fəaliyyətin təşkili
– Rusiyadakı Azərbaycan diasporu və Rusiya – Azərbaycan əlaqələri
– Azərbaycan diasporu dövlətlərarası münasibətlərdə amil kimi
– Azərbaycan diasporunun Azərbaycan dövlətilə əməkdaşlığı
– Rusiyadakı Azərbaycan diaspor təşkilatlarının fəaliyyətinə ekspert rəyi
– Yerlərdəki Azərbaycan diaspor təşkilatlarının yerli idarəetmə orqanları ilə qarşılıqlı əməkdaşlığı
– KİV in və sosial medianın azərbaycan diasporunun müasir əlaqə mühitindəki rolu
– Ermənistan Azərbaycan Dağlıq Qarabağ münaqişəsi Azərbaycan diasporunun diqqət mərkəzində
– Lobbizm və diaspora
– RAİ nin 2020 ci il üçün iş planı
Forumun əsas məqsədi ümummilli birliyi qorumaq və dəstəkləmək naminə əsas dəyərlər ətrafında Rusiyadakı Azərbaycan diaspor təşkilatlarının səylərini birləşdirmək və Rusiyadakı Azərbaycan diasporunun inkişaf strategiyasının hazırlanmasında vətəndaş cəmiyyəti instiutlarının iştirakını təmin etməkdir.
Forumda Rusiyanın və Azərbaycanın dövlət rəsmiləri, MDB, Avropa və Yaxın Şərq ölkələrinin elm və yaradıcı adamları, Rusiyadakı diaspor təşkilatlarının rəhbər üzvlərinin iştirakı gözlənilir.
Tədbir bitdikdən sonra, «Prezident Otel»in kino-konsert zalında Azərbaycanın müstəqillik gününün 28-ci ildönümünə həsr edilmiş konsert təşkil ediləcək.
Tədbirin təşkilatçıları Rusiya Azərbaycanlıları İttifaqı və Ümumdünya Azərbaycan Mədəniyyət Fondudur. MediaZona.Az
