Mərkəzi Elmi Kitabxanada baş tutan layihənin təqdimat tədbirində ziyalılar, yazıçılar, elm adamları, vətəndaş cəmiyyətinin ictimai fəalları, jurnalistlər, mətbuat nümayəndələri, müəllimlər, tələbələr iştirak edirdilər.
Tədbiri giriş sözü ilə professor Buludxan Xəlilov açdı. O.layihənin əhəmiyyətindən geniş danışaraq, cəmiyyətdə müsbət qarşılanacağı və bunun bir yenilik olduğunu xüsusi vurğuladı. Sonra layihənin ideya müəllifi və rəhbəri Mirzə Ələkbər Sabir Fondunun prezidenti Sevda Tahirli danışdı. Sevda xanım layihənin məqsədini izah edərək, cəmiyyətin hər bir üzvünün həyata baxışlarının daha aydın və daha keyfiyyətli istiqamətə yönəlməsinə kömək etmək olduğunu vurğuladı.
Daha sonra layihədəki video materialları işləyib hazırlayan rejissor Namiq Zeynalova söz verildi. O, vizual effektlərin harmoniyası barədə danışdı.
Video materialının nümayişindən sonra çıxışlarda yer alan AR Prezidenti yanında QHT-lərə Dövlət Dəstəyi Şurasının üzvü, katibi Nərgiz Xələf, tanınmış şair- sosioloq Əhməd Qəşəmoğlu, İctimai Televiziya və Radio Yayımları Şirkəti Yayım Şurasının üzvü Azər Həsrət, Mərkəzi Elmi Kitabxananın direktoru Leyla İmanova, Azərbaycan Respublikası Diasporla iş üzrə Dövlət Komitəsinin mətbuat katibi Vəsilə Vahidqızı, Beynəlxalq Avrasiya Mətbuat Fondunun rəhbəri Umud Mirzəyev, Azərbaycan Dövlət Pedaqoji Kollecinin direktoru İsrail İsgəndərov, Milli QHT Forumunun prezidenti Rauf Zeyni, filoloq Firudin Qurbansoy, jurnalist Zərnişan Turan , BDU-nun professoru Fəraət Əhmədova layihənin vacibliyini vurğuladılar.MediaZona.Az
