Gecə saatlarında sosial şəbəkə vasitəsilə MediaZona.Az saytının redaksiyasına video görüntü daxil oldu. Görüntülərdən və videonu çəkən xanımın kadr arxası səsindən məlum oldu ki, rəqs edən iştirakçı Ermənistanı təmsil edir. Qəribə də olsa, iştirakçı gimnast görkəmli Azərbaycan bəstəkarı Qəmbər Hüseynlinin əsəri olan məşhur “Cücələrim”in musiqi sədaları altında çıxış edir.
Dərhal aparılan araşdırmadan məlum oldu ki, 7-8 dekabr 2018-ci il tarixində İsrailin Qiryat Bialik şəhərində kiçik və yeniyetmələr arasında keçirilən bədii gimnastika müsabiqəsində müxtəlif ölkələrdən olan iştirakçılar arasında ermənilərin də çıxışı olub və məhz “Cücələrim” mahnısının ritmik sədaları altında. Naira adlı erməni qızına birinci yeri qazandıran “Cücələrim”i tamaşaçılar alqışlarla qarşılayıb.
Bu ermənilərin növbəti təxribatıdır. Dəfələrlə oğurluq etdikləri yerdə yaxalansalar da, xalq mahnılarımızdan”Sarı gəlin”i, bəctəkar mahnılarımızı bizim əsərlər olduğunu onlara beynəlxalq aləmdə sübut etmişik. Amma düşmən geri çəkilmir. İndiki gənclərimizin əksəriyyəti 25 il əvvəl doğma yurdlarından qaçqın düşən körpə uşaqlar idilər. Onların uşaqlığını əllərindən alan erməni daşnaklarının tör-töküntüləri təxribatlardan əl çəkmir. İndi də barmaqla sayıla biləcək dərəcədə olan uşaq mahnılarımıza əl atblar.
Ümid edirik, əlaqədar təşkilatlar bu təxribatın da qarşısını layiqincə alacaqlar. İsraildə baş tutan yarışmada qalmaqallı hadisəyə aydınlıq gətirilməsi üçün hökümət səviyyəsində araşdırılma aparılacaq və ermənilərə növbəti qulaqburması veriləcək. Belə məsələlərdə Dövlət Diaspor Komitəmizin səyi nəticəsində dəfələrlə buna bənzər təxribatların qarşısı alınıb. İnanırıq ki, bu dəfə də Komitə lazımi tədbirlər görəcək.
Qeyd edək ki, adı çəkilən müsabiqənin təşkilatçısı “Motusmedia” şirkətidir. Müsabiqədə “Cücələrim”i erməni mahnısı kimi elan edilib-edilməməsi barədə araşdırmaları davam etdiririk.MediaZona.Az
