Son 1 ay ərzində təkcə Bakı şəhəri və ətraf qəsəbələrdə 10-la yanğın olub və FHN-nin Dövlət Yanğından Mühafizə İdarəsi tərəfindən bu yanğınların qarşısı alınıb. Bəs bu təhlükələrin baş verməməsi üçün əhalidən və obyekt sahiblərindən nə tələb olunur? Sadə bir tələb, yəni təhlükəsizlik qaydalarına əməl olunması təkcə yanğınların deyil, hətta digər qəzaların da qarşısını alar. Təəssüflə qeyd edək ki, laqeyd obyekt sahiblərinin səhlənkarlığı ucbatından yanğınlar baş verir, onun da əzab-əziyyətini təkcə özləri deyil, ətrafdakı obyekt və yaşayış evlərinin sahibləri çəkir. Xətai rayonu E Əliyev küçəsi 1 ünvanında yerləşən Hacı Zeynalabdin Tağıyev adına Toxucu Tikiş Sənayesi Açıq Səhmdar Cəmiyyəti də belə obyektlərdəndir. Belə ki, ASC-nin ərazisində icarə əsasında fəaliyyət göstərən istehsalat, anbar və xidmət obyektlərində, mebel istehsalı, dəmir sexləri, anbar sahələri, kağız kardon istehsalı sexlərində yanğın təhlükəsizliyi tələblərinə əməl olunmadığından tez tez yanğın hadisəsi baş verir. Tezalışan materiallarda istifadə olunduğundan yanğın qısa zaman kəsiyində ərazini bürüyür. obyektlərdə baş vermiş yanğın hadisələrinin söndürülməsi üçün yanğın su hovuzu olmadığından kənar ərazilərdən suyun daşınması məcburiyıtində qalınır kı buda yanğının genişlənməsinə, Sakinlərin təşviş və həyəcan yaşamasına səbəb olur. Yanğın xəbərverici sistemi olmadığından yanğın barədə obyekt rəhbərliyinə məlumatı kənarda yaşayan sakinlər verirlər. Yanğının qarşısını almaq üçün ilkin yanğınsöndürmə vasitələri yox dərəcəsindədir. obyektlərin elektrik naqilləri bərbad vəziyətdədir, mütəmadi qısa qapanmalar, partlayışlar baş verir, Ərazidə yanar tullantılar təmizlənilmir. Qeyd olunanlar yanğın təhlükəsizliyi norma və qaydalarının tələblərinin kobud şəkildə pozulması deməkdir. Yəqin ki, yazıda qeyd olunan nöqsanlar nəzərə alınacaq və obyektə Dövlət Yanğın Nəzarəti Xidməti tərəfindən baxış keçiriləcək.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP