Mətbuatda hər zaman Fövqəladə Hallar Nazirliyinin Dövlət Yanğın Nəzarəti Xidməti səlahiyyətlərinə uyğun olaraq, ölkə ərazisində yanğın təhlükəsizliyinin təmin edilməsi məqsədilə zəruri tədbirlərin görülməsini davam etdirməsi haqda məlumatlara rast gəlirik. Həmin məlumatlarda təhlükə saçan müxtəlif iaşə və digər obyektlərdə aparılan təxirəsalınmaz tədbirlər qeyd olunur.

Bu çərçivədə, müxtəlif ünvanlarda yerləşən restoran və mağazalarda, o cümlədən digər obyektlərdə aparılan yoxlama zamanı yanğın təhlükəsizliyi sahəsində nöqsanlar aşkar edildiyi zaman sahiblərinə xəbərdarlıq edilir. Öz növbəsində sadalanan obyekt sahibləri aldıqları xəbərdarlıqdan nəticə çıxarıb, lazımi səliqə-sahmanı həyata keçirməyə borcludurlar.

Belə obyektlərdən biri də  Bakı şəhəri,Xətai rayonu, Babək prospekti 34 C ünvanda yerləşən obyektdir. Şəkildən də göründüyü kimi,  obyekt məşhur “Azza”  şirkətinə məxsus binadır.  Düzü, o məşhurluqda şirkətin belə bəsit bir binada yerləşib fəaliyyət göstərməsi özü təəccüb doğurur. Hələki  görünən odur ki, obyektin elektrik təsərrüfatında nöqsanlar var. Elektrik təsərrüfatı “Elektrik qurğularının quraşdırılması qaydaları”nın tələblərinə uyğun deyil. Əgər elektrik təsərrüfatı belə bərbad gündədirsə, yəqin ki, səlahiyyətli  şəxslər reyd keçirərlərsə, bəlkə də başqa nöqsanlar da üzə çıxacaq.

Beləliklə, mövcud vəziyyət onu göstərir ki, obyektin istismarının davam etdirilməsi nəticəsində orada hər an baş verə biləcək yanğın qısa müddətdə genişlənərək faciəni qaçılmaz edəcək.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP