“WhatsApp” istifadəçilərə internet bağlantısı olmadan faylları bir-biri ilə paylaşmağa imkan verəcək funksiyanı işə salacaq.
“WhatsApp” uzun müddətdir ki, istifadəçilərə “Apple” şirkətinin “AirDrop” proqramında olduğu kimi internet bağlantısı olmadan faylları paylaşmağa imkan verən funksiya hazırlayır.
“iOS” üçün “WhatsApp”ın ən son beta versiyasına “Yaxınlıqda Paylaş” funksiyası əlavə edilib. Bu funksiya ilə istifadəçilər başdan sona şifrələmədən istifadə edərək yaxınlıqdakı insanlarla simsiz şəkildə foto, video və sənədlər paylaşa biləcəklər. Lakin “iOS”un xüsusiyyətinə görə bu funksiya “iPhone” istifadəçiləri üçün bir qədər fərqli işləyəcək.
Yaxınlıqdakı cihazları avtomatik aşkarlaya bilən “WhatsApp”ın Android versiyasından fərqli olaraq, “iPhone” istifadəçiləri faylları paylaşmağa başlamaq üçün QR kodu skan etməli olacaqlar.
“Yaxınlıqda Paylaşım” funksiyasının gözəl xüsusiyyəti iOS və Android cihazları arasında fayl mübadiləsi imkanıdır ki, bu da müxtəlif platformaların istifadəçiləri arasında məlumatların ötürülməsini xeyli asanlaşdıracaq.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP