“WhatsApp” daha bir yeni funksiyasını təqdim etdi
“WhatsApp” messencerinin tərtibatçıları istifadəçilərə öz kontaktlarını “Sevimlilər” qovluğuna əlavə etməyə imkan verəcək daha bir yeni funksiya təqdim edirlər .
“WABetaInfo” portalının məlumatına görə, tətbiqin növbəti yeniləməsində görünəcək yenilik istifadəçilərə “söhbətləri prioritetləşdirməyə” imkan verəcək. Onlar birbaşa zənglər özəlliyindən seçilmiş kontaktlara cəld zəng edə biləcəklər və başlamaq üçün bir toxunuş kifayət edəcək.
Xatırladaq ki, bu yaxınlarda “Meta”ya məxsus messencer bir çox yeni faydalı funksiyalar əlavə edib. Məsələn, indi spamı birbaşa kilid ekranından bloklamaq mümkündür – şübhəli mesajların artıq açılmasına belə ehtiyac yoxdur.
“WhatsApp” messencerinin iOS üçün yeni beta versiyalarından biri də dəstək departamentinə generativ süni intellektin (AI) inteqrasiyasını təqdim edib : neyroşəbəkə messencerdən istifadə etməkdə çətinlik çəkən istifadəçilərin suallarını cavablandıracaq.
Bundan əlavə, WhatsApp yenilənmiş qrafik dizaynlı yeni istifadəçi interfeysi alacaq və tezliklə digər ani mesajlaşma proqramları ilə uyğunlaşacaq.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 0 55 4 61 71 21 WHATSAPP