Bu əraziyə girən və foto çəkdirənlərə AĞIR CƏZA
Havay adalarında Kilauea Yanardağından püskürən vulkanı izləmək istəyən və fotosunu çəkmək üçün qadağan edilmiş bölgələrə girən onlarla insan saxlanılıb.
Lavaların okeana çatdığı adada polis barrikadaları qurulub. Təhlükəli vəziyyətə baxmayaraq, əraziyə qanunsuz olaraq girmək istəyənlər var.
Ölkənin Ərazi və Təbii Sərvətlər Dairəsi partlayışlar başlayandan bu vaxta qədər 40 nəfərin saxlanıldığını bildirib. Bu səbəbdən əraziyə yaxınlaşanlara qarşı cəzaların sərtləşdirilməsi təklif edilir. Təxliyə işlərinin aparıldığı bölgələrdə saxlanılanlara 5 min dollar cərimə və 1 ilə qədər həbs cəzası veriləcək.
Qeyd edək ki, təhlükəsizlik əməkdaşları bu vaxta qədər ərazidən 2 minə yaxın insanı təxliyə edib.