Karapetyan İrəvandan 12,2 milyardı niyə çıxartdı?
Ermənistan Baş naziri Karen Karapetyanla Rusiyadakı ən zəngin erməni milyarder Samvel Karapetyan arasında gərginlik yaranıb.
Axar.az xəbər verir ki, bu barədə informasiyanı “Jamanak” qəzeti yayıb. Qəzet bu gərginlik ucbatından Samvel Karapetyanın Ermənistana böyük investisiyalar yatırmaqdan imtina etdiyini bildirib:
“Təsadüfi deyil ki, bu ilin birinci yarısında Ermənistandan Rusiyaya kapital axını olub. Bu axının dəyəri isə 12,2 milyard dram təşkil edib. Maraqlı məqam odur ki, axın “Taşir Qrup”un əlində olan enerji sahəsində yaşanıb. Bu şirkət isə Samvel Karapetyana məxsusdur”.