Deputatdan ilginc təklif: “Kiminsə qarnını doydurmaq istəyirsənsə…”

İslam dini kiminsə yaxını dünyasını dəyişib bunun üçün mərasim təşkil edəndə yada düşür. Yas mərasimlərinin təşkil edilməsində həmişə bununla bağlı kənardan deyilənlər ölü yiyəsi üçün əsas müzakirə mövzusu olur.

Bunu deputat Fazil Mustafa deyib.

Deputat israfçılığa ehtiyacın olmadığını və kənar qınaqlardan yayınmağın kifayət qədər yolunun olduğunu diqqətə çatdırıb:

“İnsanlar anlamırlar ki, bir yas mərasimi ilə, bir şıdırğı toy israfçılığı ilə nə isə dəyişməyəcək ki? Kaş adamların yadına elə gerçək İslam dini düşəydi, özünü qətiyyən bu qədər vaxt və pul itkisinə, israfçılığa məruz qoymazdı. Bu Ramazan ayında bir neçə məclisdə oldum, baxdım ki, masanın üzərində heç bir qab-qaşıq, yemək yox, gələnlər də sakitcə oturub adamın dərdinə həmrəy olub rahatca çıxıb gedirlər. Bundan gözəl, faydalı, rahat nə ola bilər?