Kremlin Paşinyana barmaq silkələməsi öz işini gördü
Rusiya amili onu geri çəkilməyə vadar edib
“Ermənistan-Rusiya münasibətləri daha da inkişaf edəcək və dərinləşəcək”. Bu sözləri Ermənistanda günlərdir davam edən etiraz aksiyalarının lideri Nikol Paşinyan deyib. Məsələ ondadır ki, Paşinyan belə qərarı Rusiya Dumasının nümayəndələri ilə görüşündən sonra verib və bu qərar ona dəstək göstərən bir sıra anti-Rusiya meyilli siyasi-ictimai dairələrinin etirazlarına səbəb olub. Düzdür, erməni müxalifətinin lideri sonradan öz sözlərini korrektə edərək, Ermənistanın başqa ölkələrlə – ABŞ, AB ölkələri və Çinlə münasibətlərini inkişaf etdiriləcəyini deməsi də, onun Rusiya ilə bağlı verdiyi qərar da bu narazılığı aradan qaldırmayıb.
Onu da qeyd edək ki, Paşinyanın başçılıq etdiyi “Yelk” fraksiyasi istisna olmaqla, Ermənistan Parlamentinin bütün fraksiyaları baş nazir vəzifəsinə namizəd göstərməkdən imtina etdikdən sonra o, bu vəzifəyə tək namizəd olub. Ancaq bunun üçün ona 105 səsdən 53-ü lazımdır. Buna görə yalnız “Yelk” fraksiyası, “Tsarukyan” və “Daşnaksütyun” fraksiyaları deyil, həmçinin Ermənistanın hakim Respublikaçı Partiyasının bəzi üzvləri də ona səs verməlidirlər. Ermənistan palamentində hakim Respublikaçılar Partiyasının 58, “Çarukyan” blokunun 31, Paşinyanın başçılıq etdiyi fraksiyanın 9, “Daşnaksütyun”un 7 mandatı var.
Paşinyan mitinqlərin birində Rusiyanın Ermənistanla əxlaqsız qadın kimi davrandığını deyərək, bütün bunlara son qoyulacağını bildirmişdi
Patruşevin gizli səfəri və nəticələr…
Yeri gəlmişən, erməni mediası aprelin 25-də Rusiya Təhlükəsizlik Şurasının katibi Nikolay Patruşevin gözlənilmədən, həm də məxfi şəkildə İrəvana getməsi barədə məlumat yaymışdılar. Mətbuatın iddiasına görə, Patruşevin təyyarəsi Soçidən birbaşa İrəvan hava limanına gedib və qısa müddət sonra Ermənistanı tərk edibmiş. Lakin sonradan bu iddianın həqiqəti əks etdirmədiyi deyilsə də, Paşinyanın növbəti dəfə Rusiya Dimasının deputatları ilə görüşü artıq həmin iddianın gerçək olduğunu göstərir.
Beləliklə, Rusiyanın vassalı rolunu oynayan Ermənistan hakimiyyəti öz rıçaqlarını itirməli olsa belə, yeni hakimiyyətin də vassal olaraq qalacağını bəri başdan proqnozlaşdırmaq mümkündür. Yəni qaniçən Serj Sarkisyan komandası gedəcəksə, onun yerinə daha aqressiv və xalqa qan udduracaq iqtidarın gələcəyi ehtimalı günü-gündən artmaqdadır. Hər halda, bunu baş verən son proseslər də göstərir.