Elçin Əlibəyli dövlətdən milyonlar alan AzTV, İTV və nazirliyi tənqid etdi

“20 il ərzində 31 mart soyqırım günü rəsmi qeyd olunur. Bu 20 ildə hər il bir bədii film, çox seriyalı bədii-sənədli televiziya filmləri çəksəydik bu gün xarici filmlərlə və təkrar söhbətlərlə efirləri doldurmazdıq”.

Buu sözləri tanınmış sənətşünas Elçin Əlibəyli bildirib. O deyib ki, əsas məsuliyyət aşağıdakı qurumlara düşür:

“20 il ərzində 31 mart soyqırım günü rəsmi qeyd olunur. Bu 20 ildə hər il bir bədii film, çox seriyalı bədii-sənədli televiziya filmləri çəksəydik bu gün xarici filmlərlə və təkrar söhbətlərlə efirləri doldurmazdıq.

Burada əsas məsuliyyət aşağıdakılara düşür:

1.Dövlət büdcəsindən milyonlar alan AzTV və İTV;

2.İldə kino çəkilişinə ayrılan vəsaitlər hesabına çəkilən rəflərdə yatan, əksəriyyəti bədii cəhətdən zəif filmlər əvəzinə məhz bu mövzuda film sifariş verməyən MTN-nin (Mədəniyyət və Turizm Nazirliyi nəzərdə tutulur –red.) Kinematoqrafiya şöbəsi;

3.Ölkədə “çıqqıdıya”, müğənnilərə və onların iştirak etdiyi verilişlərə sponsorluq edən, şadlıq evləri tikdirən milli təssübkeşliyi olmayan milli burjuaziya.

Və bunu tələb etməyən, səsini çıxarmayan siyasətçilər, deputatlar, ziyalılar. Ermənilər isə özlərinin uydurduğu 1915 soyqırımına həsr edilmiş neçə-neçə bədi film (hətta Hollivudda) və seriallar çəkiblər. Bax belə”.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir