Ərdoğandan İsrailə sərt mesaj: “Nüvə silahlarınız var deyə özünə çox güvənmə”
Türkiyə prezidenti və AK Partiya sədri Rəcəb Tayyib Ərdoğan, partiyasının Adana 6-cı Şəhər Konqresi öncəsi çıxışında, İsrailin baş naziri Netanyahuya səslənərək, “Nüvə silahlarımız var deyə özünə çox güvənmə, gün gələr o silahlar işləməz” deyib.
Daha sonra Ərdoğan: “Dünən İsrailin Baş Naziri həmsöhbətim deyil deyə bir söz işlədib. Güya onların ordusu heç vaxt zülm etməyib. Bizim əsgərimizin Afrində məzlumlara zülm etdiyini deyir”.
Çıxışının sonunda Ərdoğan Netanyahunu zəif adlandırıb: “Özünə çəki-düzən ver. Sən terror dövlətisən. İsrail ordusu ancaq məzlumlara qarşı cəsarətli olur. Qorxaqlar qələbə abidəsi ucalda bilməz.” deyə qeyd edib.