Daha bir ölkə Rusiyanı boykot etdi

İngiltərə ilə Rusiya arasında yaşanan “Skirpal işi” gərginliyi bu il Rusiyada keçiriləcək Dünya Çempionatına da mənfi təsirini göstərib. İslandiya 2018 Dünya Çempionatını diplomatik boykot edəcək.

Bu barədə İslandiyanın Xarici İşlər Nazirliyi məlumat yayıb. Məlumatda bildirib ki, Salisburi şəhərində yaşanan faciə beynəlxalq hüquqları pozur və Avropadakı sülhə, təhülkəsizlyə təhdid xarakteri daşıyır. Həmçinin qeyd edilib ki, iki ölkə arasında bütün ali səviyyəli ikili dialoqlar müvəqqəqti olaraq təxirə salınıb.

İslandiya kimi Polşa da açıq şəkildə boykot qərarını elan edərkən, Avstraliya, Danimarka, İsveç və Yaponiya Dünya Çempionatını boykot etmək mövzusunu müzakirə etdiklərini bildirib. Böhranın bir soyuq müharibəyə çevrilməsi təqdirində qatılan komandaların da çempionatdan çəkilmə təhlükəsi olacaq.