Müharibə üçün tarix verildi: İki ölkə qanlı savaşa başlayır

Yaxın Şərqdə böyük müharibənin anonsu verilib.

Artıq İran və İsrailin bir-birilə müharibəyə başlayacağı və bu müharibənin 2019-cu ilə təsadüf edəcəyinə dair proqnozlar var. Bölgədəki prosesləri təhlil edən “The National Interest” nəşrinin mütəxəssisləri bu qənaətə gəlib.

Məqalə müəlliflərinin fikrincə, artıq İran bölgədə böyük aktivlik nümayiş etdirir. İnqilab Keçikçiləri Korpusunun döyüşçüləri Suriyada müharibədə iştirak edir. İran həmçinin “Hizbullah”ı dəstəkləyir.

Artıq fevralın birinci yarısında iki ölkə açıq-aydın qarşı-qarşıya gəlib: “İsrail hərbçiləri İrana məxsus pilotsuz uçuş aparatını vurub. İran tərəfi də buna cavab zərbəsi endirib. Daha doğrusu, Suriyanın əli ilə İsrailə məxsus F-16 vurulub. Əgər hadisələr bu templə inkişaf etsə, 2019-cu ildə iki ölkə arasında müharibə başlayacaq”.

Analitiklər hesab edir ki, müharibənin başlamasına bir səbəb də İranın daxili problemləri olacaq. Ölkə rəhbərliyi əhalinin diqqətini iqtisadi-siyasi problemlərdən yayındırmaq çün İsraillə müharibəyə başlayacaq.