Jurnalistlər üçün müsabiqə elan edildi: “Vərəm haqqında ən yaxşı məqalə”
Jurnalistlər üçün müsabiqə elan edildi
QİÇS, Vərəm və Malyariya ilə mübarizə üzrə Qlobal Fondun maliyyə dəstəyi ilə TB-REP regional vərəm proqramının Azərbaycan vətəndaş cəmiyyəti əlaqələndiricisi Sağlamlığa Xidmət İB-in təşəbbüsü və Vərəm əleyhinə QHT Koalisiyasının dəstəyi ilə yaxınlaşmaqda olan 24 Mart Ümumdünya vərəmlə mübarizə günü ilə əlaqədar “Vərəm haqqında ən yaxşı məqalə” müsabiqəsi elan olunur.
Müsabiqənin məqsədi vərəm xəstəliyi ilə bağlı cəmiyyətdə mövcud stiqmanın aradan qaldırılması və vərəm xəstələrinin probleminə medianın, dövlət strukturlarının və ictimaiyyətin diqqətini cəlb etməkdir.
Müsabiqə şərtləri:
Müsabiqəyə kütləvi informasiya vasitələrində çalışan bütün jurnalistlər qatıla bilər;
Bir jurnalist birdən artıq məqalə və ya digər media məhsulu təqdim edə bilər;
Təqdim ediləcək məqalə mütləq dərc olunmalıdır;
Məqalədə vərəm xəstələrinin problemləri və cəmiyyətin bu xəstəliyə olan münasibəti işıqlandırılmalıdır;
Vərəmlə mübarizə sahəsində mövcud dünya təcrübəsi və ölkədə vərəmlə mübarizə sahəsində görülən işlərlə bağlı müqayisəli təhlillərin aparılmasına dair jurnalist araşdırmaları da müsabiqəyə təqdim edilə bilər;
20 Fevral 2018-ci il tarixdən – 20 Mart 2018-ci il tarixinədək qəzet, jurnal, informasiya agentliklərinin rəsmi saytlarında və xəbər portallarında
Məqalələrin elektron forması və linkləri saglamligakhidmetmmc@gmail.com elektron ünvanına, məktubun mövzusunda “Müsabiqə üçün məqalə” qeyd edilərək
göndərilməlidir. Müsabiqəyə təqdim edilmiş məqalələrin qiymətləndirilməsi “Sağlamlığa Xidmət” İctimai Birliyinin təsis etdiyi münsiflər heyəti tərəfindən həyata keçiriləcəkdir.
Müsabiqənin nəticələri əsasında 1-ci, 2-ci və 3-cü yerləri tutan iştirakçılar mükafatlandırılacaq.
Müsabiqə nəticələri 24 mart 2018-ci il tarixində (Ümumdünya vərəmlə mübarizə gününə həsr olunmuş konfransda) elan ediləcək.
Qaliblər diplom və pul mükafatları ilə təltif olunacaqlar:
1-ci yer: 200 AZN
2-ci yer: 100 AZN
3-cü yer: 50 AZN