ABŞ 30 minlik ordu yaradır.
ABŞ PKK/PYD terror qruplaşmalarının üzvlərindən ibarət 30 minlik ordu yaradır. Bu barədə “Röyters” agentliyi etibarlı mənbəyə istinadən məlumat yayıb.
ABŞ-ın rəhbərliyi altında İŞİD terror təşkilatına qarşı mübarizə məqsədi ilə formalaşdırılan koalisiyanın mətbuat xidmətinin rəhbəri Tomas Vil bildirib ki, söhbət Suriya-Türkiyə və Suriya-İraq sərhədlərini qoruyacaq ordunun yaradılmasından gedir.
Ordu əsasən PYD üzvlərindən ibarət olacaq və Suriya Demokratik Qüvvələri tərəfindən idarə ediləcək.
“Röyters” xəbər verir ki, Türkiyə tərəfi plandan məlumatlıdır və ötən həftə XİN-ə çağırılan ABŞ səfirinə bu barədə xəbərdarlıq edilib.
Türkiyə prezidenti Rəcəb Tayyib Ərdoğan ötən gün planı nəzərdə tutaraq “Bir araya yığıb ordu sandıqları terrorçu düşərgəsini, bir həftə keçməz, necə darmadağın edəcəyimizi görəcəklər”, – deyə bildirib.