Batistuta: “Ayaqlarımı amputasiya etdirmək barədə düşünürdüm”
Argentina futbolunun parlaq simalarından olan Qabriel Batistuta karyerasını bitirəndən sonra səhhətində meydana çıxan problemlər haqqında danışıb. 48 yaşlı veteran hücumçu bunları deyib: “Dabanımda güclü ağrılar vardı. Artrodez (red. dabanın bərpası məqsədilə aparılan əməliyyat) düzgün qərar idi. Gəzməkdə çətinlik çəkirdim. İndi artıq əziyyət çəkmirəm. Bəzən yataqdan qalxmaq belə çətin idi. Ağrıkəsici qəbul etməyə məcbur olurdum. Özümü həbsxanadakı kimi hiss edirdim. Beyin hər şeyin öhdəsindən gələ bilər. Lakin fiziki problemlər zamanı iş qəlizləşir. Mən artıq ayaqlarımı amputasiya etdirmək barədə düşünürdüm. Bir dəfə klinikaya gedib həkimlərə dedim ki, ağrılara davam gətirə bilmirəm. Amputasiyanın mümkün olub-olmamasını onlardan xəbər aldım”.
Batustuta 2 dəfə Amerika Kubokunun, “Roma”nın heyətində 1 dəfə İtaliya A Seriyasının qalibi olub.