ABŞ Türkiyə qarşısında niyə geri çəkildi?
“Türkiyə ABŞ-ın qarşısında geri çəkilmədi, onun “viza embarqosu”na “embarqo” ilə cavab verdi və Ağ evi başa saldı ki, Qərbin hər əmrinə baş əyən kamalizm dövrü artıq geridə qalıb. Nəticə isə göz qabağındadır. ABŞ geri addım atmaq məcburiyyətində qaldı və artıq ABŞ səfirliyi Türkiyə vətəndaşlarına yenidən viza verilməsinə başlayıb”.
Bu fikirləri türkoloq, publisist Bəxtiyar Tuncay öz Facebook səhifəsində yazıb. Onun fikrincə, ABŞ-ın Türkiyə qarşısında geri çəkilməsinin müxtəlif səbəbləri var: “Bəziləri bunun cənab Ərdoğanla Putinin noyabrın 13-nə planlaşdırılmış görüşü ilə əlaqələndirirlər. Təbii ki, işin içində bu da var. Amma bu məsələ əsas məsəıə deyil. Əsas məsələ Türkiyənin Kərkükə əl qoymasına qarşı olan amerikalıların kürd kartına üstünlük verməsində və bu kartın isə onların İran qarşısında biabırcasına məğlubiyyətinə səbəb olmasındadır. Fakt budur ki, Kərkük bu gün İrana bağlı qüvvələrin əlindədir. Tehran İraqda əsas söz sahibinə çevrilib, ABŞ isə İraq Kürdüstanına sıxışmaq məcburiyyətində qalıb. Odur ki, səhvini düzəltməyə çalışır”.
Daha sonra türkoloq Türkiyə baş nazirinin ABŞ səfərinə dair fikrini belə tamamlayıb: “Cənab Binəli Yıldırım ABŞ-a səfərə gedir və özü ilə Türkiyənin neft nazirini də aparır. Niyə?
Çünki masaya Kərkük və neft məsələsi yatırılacaq…”
Maraqlı xəbərləri MediaZona.Az Facebook səhifəmizdən izləyin.