Brilliant Dadaşova Mehriban Əliyevaya niyə müraciət etdi
Müğənni Brilliant Dadaşova Azərbaycan Respublikasının I vitse- prezidenti Mehriban Əliyevaya müraciət edib. Olaylar.az bildirir ki, müğənni son günlər ölkə gündəmini zəbt edən Fədayə Laçınla bağlı xanım Mehriban Əliyevaya səslənib. Brilliant Dadaşova bu müraciətini sosial şəbəkədən – instaqram hesabı vaistəsi ilə edib. Olaylar.az müğənninin müraciətini olduğu kimi təqdim edir:
“Əzizimiz, sevimli Mehriban xanım. Sizin sonsuz dərəcədə mehriban və qayğıkeş insan olduğunuzu bilirk və bu səbəbdən sizə müraciət edib, istedadlı müğənni, gənc qadın və ən əsası bir övlad anası Fədayə Laçına dəstək olmanızı, onu düşdüyü bəladan xilas etməyinizi xahiş edirik.
Mən onu şəxsən tanımıram. Yalnız sizin ədalətli, xeyirxah və heç kəsin dərdinə indiyə kimi biganə qalmadığınızı bildiyim üçün Fədayə Laçına dəstək olacağınıza ümid edirəm.
Biz uca tanrıdan cənab prezidentimizə, sizə, övladlarınıza can sağlığı, ailə səadəti diləyirik. Başımızın üstündə daim var olasınız”.