Boksçumuz ermənini məğlub etdi
Azərbaycan Boks Federasiyası xəbər verir ki, Türkiyənin Antalya şəhərində gənc boksçular arasında keçirilən Avropa birinciliyində 1/8 final mərhələsinə yekun vurulub.
Yarışa tam heyətlə qatılan Azərbaycan millisinin 7 üzvü 1/4 finalda iştirak hüququ qazanıb.Belə ki, 52 kq çəki dərəcəsində rinqə çıxan Amid Əlizadə (52 kq) ilk görüşündə Davey Oliver Yonseni (İrlandiya) sınağa çəkib. Gərgin keçən döyüş həmyerlimizin 3:2 hesablı qələbəsi ilə yekunlaşıb. O, 1/4 finalda İvan Prislə (İngiltərə) gücünü yoxlayacaq.
Əlizadənin uğurunu Orxan Həsənov (56 kq) da davam etdirib. 1/8 finalda erməni Jirayr Sarqsyanla (Ermənistan) qarşılaşan boksçumuz rəqibinə heç bir şans verməyib – 5:0. Həsənov 1/4 finalda rusiyalı Aleksey Kiselyevlə üz-üzə gələcək. Qeyd edək ki, 1/4 final mərhələsinin döyüşləri oktyabrın 24-də və 25-də keçiriləcək.