Bələdiyyə İnkişaf Mərkəzi yaradılıb

Azərbaycan Milli QHT Forumunun tərkibində Bələdiyyə İnkişaf Mərkəzi yaradılıb. Forumun mətbuat xidmətindən “OLAYLAR”-a bildirilib ki, “Qadınlar Bələdiyyələrin İnkişafı Uğrunda” İctimai Birliyinin sədri Lyudmila Xəlilovanın mərkəzə rəhbərlik edilməsi haqqında qərar qəbul edilib. Bildirilib ki, forumun Bələdiyyə İnkişaf Mərkəzinin əsas məqsədi Vətəndaş Cəmiyyətinin inkişafında Bələdiyyə və Qeyri-Hökumət Təşkilatlarının əlaqələndirilməsi və əməkdaşlığının gücləndirilməsidir. Bu məqsədlə Azərbaycan Bələdiyyələrinin Milli Assosiasiyaları və bələdiyyə sədrləri ilə dəyirmi masa keçirilib. Görüşdə Forumun Bələdiyyə İnkişaf Mərkəzinin təqdimatı, iki vətəndaş təsisatı QHT və Bələdiyyələrin qarşılıqlı səmərəli əməkdaşlığın inkişafı və birgə layihələrin həyata keçirilməsi ilə bağlı fikir mübadiləsi aparılıb.