“Maşın” şouda dünən gecə iştirakçılar Xatun Əliyevanı SMS səsverməsinə çıxartdılar. O qeyd edib ki, əslində, istəmədən səsverməyə çıxmağa məcbur olub. Xatun səs yığacağı təqdirdə şoudan kənarlaşdıracağı şəxsin adını açılamayıb. Sadəcə olaraq, 3-4 nəfər iştirakçının onun əsəblərini tarıma çəkdiyini bildirib.

Şounun sonuna az qalmış Xatun rəqibinin kişi iştirakçılardan biri olduğunu bildirib. Bununla belə o, İlkin Misgərli və Talıb Talehə toxunmayacağını dilə gətirdi. İlqar Mikayıloğlu Xatunun hədəfinin Rauf, Elşad və özü olduğunu ehtimal edib. Amma yenə də ona qarşı səs istəməyib.

Rauf isə sabah Mehriban Xanlarovanı duelə çağırıb və bununla həm bu gecəyə özünü sığortalayıb, həm də sabahkı duelin anonsunu edib.

Nəticədə 71 faiz  səs toplayan Xatun İlqar Mikayıloğlunu şoudan kənarlaşdırıb. “Çünki o, mənə dedi ki, məni çıxarsan səndən inciməyəcəm. Ona görə mən onu şoudan çıxarıram və güclü rəqib hesab edirəm”.

Beləliklə, hiyləgər taktika işlədərək, Xatun rəqibin adını açıqlamadan onu “vurub”, şoudan kənarlaşdırıb.