“O Səs Türkiyə”-də nələr baş verir? – QIRĞIN

Dünən Yıldız Tilbe ilə Gökhan Özoğuz arasında “O Səs Türkiyə” çəkilişlərində böyük qalmaqal yaşanıb. Bu səbəbdən də çəkilişlər yarımçıq qalıb. “O Səs Türkiyə” də münsif heyətinə daxil olan Yıldız Tilbə iştirakçılar arasında irqi-ayrıseçkilik edib. Onun bu hərəkəti Gökhan Özoğuzun xoşuna gəlməyib. Elə bu səbəbdən də müğənnilər arasında ilk ciddi mübahisə yaşanıb.

Mübahisəyə Acun müdaxilə edib mikrofonlarını kəssə də, onları sakitləşdirmək mümkün olmayıb. Bütün iştirakçılar və qonaqlar yola salınıb, çəkilişlər də yarımçıq qalıb.

Xatırladaq ki, müğənni azərbaycanlı iştirakçı Pərvin Səfərovu da bəyənmədiyi üçün dönmədiyini bildirmişdi. “Seçəcəyim ifaçı türkcə yaxşı danışmalıdır” deyən Yıldız Tilbe buna görə tənqid olunmuşdu. Əvvəllər də Yıldız Tilbe İsraillə böhran yaşandığı dövrdə “Allah Hitlerdən razı olsun” tvitinə görə çox tənqid edilmişdi. İrqi ayrıseçkilik etdiyi üçün onun “Turkcell” reklamı da ləğv olunmuşdu.