100 MİLYON DOLLARLIQ RƏSM ƏSƏRİ
Leonardo da Vinçinin şəxsi kolleksiyasından tapılan son rəsm əsərlərindən biri hərraca çıxarılacaq.
Rusiya KİV-ləri xəbər verir ki, əsərin ilkin qiyməti 100 milyon dollar olacaq. XVI əsrə aid “Dünyanın xilaskarı” adlanan əsərdə İsa Məsih təsvir olunub.
Əsərin tarixçəsi haqda bir çox məqamlar hələ də aydın deyil. Əvvəllər Kral II Karlın kolleksiyasında olan portret sonradan Bukinqem hersoqunun qeyri-qanuni oğlunun əlinə keçib. Daha sonra itən portret yalnız 1958-ci ildə aşkar olub.