SURİYA: Türk əsgərinin İdlibe yerləşdirilməsi üçün son hazırlıqlar tamamlanıb

Suriyanın İdlib bölgəsinə türk hərbçilərinin yerləşdirilməsi üçün son hazırlıqlar tamamlanıb. Desantlar, tank və mərmilər artıq sərhəddə cəmləşib.

HABERTÜRK-ün məlumatına görə, Dövlət başçısı Rəcəb Tayyib Ərdoğanın Rusiya Prezidenti Vladimir Putinlə keçirdiyi görüşdə, Suriyanın İdlib şəhərində yaradılacaq müşahidəçi qüvvələr məsələsində razılığa gəlmənin ardından, Türk Silahlı Qüvvələri bölgə üçün hazırlıqlarını tamamlayaraq hərəkətə başlayıb.

Xatırladaq ki, Rəcəb Tayyib Ərdoğan İran səfərindən qayıtdıqdan sonra, İdlibdəki vəziyyət haqqında açıqlama vermişdi. Ərdoğan “Bu məsələdə artıq planımız,yol xəritəmiz var. Bölgənin sərhədləri daxilində və xaricində, vəzifə bölgüsü aparılıb. Xarici Rusiya, daxili Türkiyə üçün müəyyənləşdirilib. Türkiyə İdlib sərhədləri içində, Rusiya Silahlı Qüvvələri sərhədlərin xaricində vəzifəsini icra edəcək” demişdi.