Yeni seçilən Qırğızıstan parlamentinin strukturu təsdiqlənib
Yanvarın 12-də Qırğızıstan parlamenti-Joqorku Keneşin (JK) strukturu təsdiq olunub, sədrin müavinləri seçilib.
Qırğızıstan parlamentinin mətbuat xidmətinə istinadla xəbər verir ki, iclasda parlament sədrinin 3 müavininin və parlamentdə 8 komitənin olması təklifi təsdiqlənib.
Parlamentin iclasında “Ata Jurt” fraksiyasından Cəmilə İsayeva, Alay birmandatlı dairəsindən Ulan Primov və “İşenim” fraksiyasından Nurbek Sadıqaliyev səsvermə ilə spikerin müavinləri seçiliblər.
Xatırladaq ki, parlamentin ötən il dekabrın 30-da keçirilən iclasında Talant Mamıtov yenidən Joqorku Keneşin sədri vəzifəsinə təsdiq olunub.
2020-ci il oktyabrın 28-də ölkədə keçirilən parlament seçkilərində 54 deputat partiya siyahıları ilə, 36 millət vəkili isə birmandatlı seçki dairələrindən Joqorku Keneşin üzvü seçilib.
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 055 461 71 21 WHATSAPP