İstismara qəbul olunmayan binada yaşayışa icazə verilib

Bakı şəhəri, Nərimanov rayonu, Qarabağ, Tələt Əliyev və Ə.Əlizadə küçələrinin kəsişməsində yerləşən “RNQ Group” MMC-yə məxsus yüksək mərtəbəli yaşayış  binasında elektrik təsərrüfatı norma və qaydaların tələblərinə uyğun çəkilməyib. Binada təhlükəsizlik tələblərindən danışmağa dəyməz. Çünki mərtəbələrdə təxliyə yollarında qapılar quraşdırılmayib və su dolabları yanğın avadanlıqları ilı tam təchiz edilməyib.

Binanın zirzəmisi, həmçinin qeyri-yaşayış  obyektləri yanğından mühafizə sistemləri və vasitələri ilə tam təchiz edilmədən, eləcə də dövlət orqanları tərəfindən istismara qəbul olunmadan insanların yaşamasına və qeyri-yaşayış obyektlərinin istismar olunmasına icazə verilmişdir.

Binanın sahəsinə və yanğın su hovuzuna yanğın avtomobillərinin yaxınlaşması qətiyyən mümkün deyil.

DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin: 055 461 71 21 WHATSAPP