Arayik erməni məmur və hərbçiləri Azərbaycan hərbçilərinə qarşı çıxmamağa çağırdı – ŞOK İDDİA
“Bir neçə gün əvvəl Azərbaycan Silahlı Qüvvələri Amaras monastır kompleksinə doğru irəliləyərək həm monastıra nəzarəti ələ keçirməyə, həm də mövqelərini irəli çəkməyə çalışıb. Lakin Rusiya sülhməramlı qüvvələri dərhal hadisə yerinə gələrək azərbaycanlıları əvvəlki mövqelərinə çəkilməyə vadar etməklə bu hərəkətlərin qarşısı alınıb”.
Daha sonra erməni nəşri bildirir ki, Azərbaycan hərbçiləri Amaras məbədi üzərindən separatçı-terrorçu rejimin əski parçasını çıxarmağı tələb etdikləri üçün məsələ bununla həllini tapmayıb.
Nəşrin mənbələrinə görə, Xankəndidə separatçı kriminal xuntanın başçısı Arayik Arutyunyanın iqamətgahında bu mövzuda ciddi müzakirə aparılıb və söhbətin başlanğıcından Araik azərbaycanlıların tələbini nəyin bahasına olursa olsun yerinə yetirməyə razı olub. Həmçinin erməni məmur və hərbçiləri Azərbaycan hərbçilərinə qarşı çıxmamağa çağırıb. Bundan sonra əski parçası qədim Azərbaycan abidəsi üzərindən endirilib.
“Past” qəzeti yazır ki, guya bundan sonra bir qrup erməni gənci “rəsmi”ilərin çağırışlarına və xəbərdarlıqlarına məhəl qoymadan yenidən separatçıların əski parçasını monastır kompleksinin damına sancıblar. “Ancaq Arayik Arutyunyan buna kəskin şəkildə qarşı çıxıb və bu hərəkəti avantüra adlandırıb”- deyə erməni nəşrindəki xəbərin sonunda bildirilir.
Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz və eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP