“Qalatasaray” Yunanıstanda xoşagəlməz hadisə ilə üzləşib
“Qalatasaray” klubu xoşagəlməz hadisə ilə üzləşib.
Təlim-məşq toplanışı üçün Yunanıstana yollanan Türkiyə təmsilçisinə qarşı hörmətsizlik edilib.
“Cim-bom” “Olimpiakos”la yoxlama görüşü üçün getdiyi Afinadakı hava limanında bir müddət gözlətdirilib. Daha sonra yenidən koronavirus testi tələb edilsə də, “sarı-qırmızılılar” buna qarşı çıxıblar. Aeroport əməkdaşları problem yaratmaqda davam edincə, “Qalatasaray” vətənə qayıtmaq qərarına gəlib.
Hadisə ilə bağlı bəyanat yayan “Qalatasaray” qarşı tərəfin ayrıseçkiliyə yol verdiyini vurğulayıb və Yunanıstanın səlahiyyətli orqanlarından Türkiyədən üzr istəməyi tələb edib.
Qeyd edək ki, Azərbaycanı Çempionlar Liqasında təmsil edən “Neftçi” Tbilisi “Dinamo”sunu mübarizədən kənarlaşdırsa, II təsnifat mərhələsinin ilk oyunu çərçivəsində iyulun 21-də Yunanıstanda “Olimpiakos”la qarşılaşacaq.
Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP