Tehrandakı güclü yanğın nəzarətə götürüldü – VİDEO

Tehranın neft emalı zavodunda dizel yanacağı saxlanılan çənlərində baş vermiş yanğın nəzarətə götürülüb.

Bunu Tehran Neft Emalı Zavodunun mətbuat katibi Şakir Xəfayi deyib.

O bildirib ki, günün ikinci yarsında yerli vaxtla saat 19:30-da başlayan yanğın zavodun dizel saxlanılan anbarında baş verib və 20 min barel dizel yanacağı yanıb: “Hazırda yanğın nəzarətə götürülüb və onun digər neft saxlama çənlərinə keçməsinin qarşısı alınıb. Yanğın nəticəsində xəsarət alan olmayıb. Yanğın dizel yanacağı saxlama çənlərində baş verdiyi üçün onu söndürmək mümkün deyil və yalnız yanğını nəzarətə götürməklə həmin yanacağın tam yanıb sönməsini gözləmək lazımdır”.

Saat 20:50

Bu dəqiqələrə qədər Tehran neft emalı zavodunun 18 neft çəni güclü yanğın nəticəsində yanıb.

Yanğın güclü olduğundan neft saxlama çənləri bir-birinin ardınca yanıb.

Yanğınsöndürənlər yanğını söndürməkdə çətinlik çəkirlər.

Hələlik yanğında xəsarət alanlar barədə məlumat verilməyib.

***

Saat 20:02

İranın paytaxtı Tehran şəhərində neft emalı zavodunda güclü yanğın baş verib.

Yanğının zavodda maye qaz nəql edən boru kəmərində baş verdiyi bildirilir.

Hadisə yerinə yanğınsöndürənlər cəlb olunub.

Tehrandakı bütün neft emalı zavodlarında iş dayandırılıb. Əhalidən yolların açıq saxlanılması istənilib.

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP