Meksikada metro körpüsü çöküb-VİDEO

Mexikoda metro körpüsünün çökməsi nəticəsində azı 20 nəfər həlak olub.

“Reuters” agentliyi  xəbər verir ki, şəhərin meri Klaudia Şeynbaum məlumatı təsdiqləyib. Mülki Müdafiə Nazirliyinin məlumatına görə, xəsarət alan 49 nəfər xəstəxanalara yerləşdirilib. İlkin məlumata görə, ümumilikdə 70 nəfər zərər çəkib. Xilasetmə əməliyyatlarının davam etdiyi bildirilir.

Qəzanın baş verdiyi əraziyə bütün giriş-çıxış yolları bağlanıb. Oraya xüsusi xidmət avtomobillərindən başqa heç bir nəqliyyat vasitəsi buraxılmır.

Qeyd edək ki, bazar ertəsi günü yerli vaxtla dünən saat 22:25 radələrində (Bakı vaxtı ilə bu gün 7:25) Olivos və Tesonko stansiyaları rayonunda körpü konstruksiyası qatarla birgə uçub.

Mexiko metrosu Şimali Amerikanın ən böyük metropolitenlərindən biridir.

Maraqlı xəbərləri Mediazona.az Facebook səhifəmizdən izləyin.
———————————————————————————————————————————————
DİQQƏT! Şikayət və təklifləriniz, gördüyünüz ve eşitdiyiniz hər hansı bir maraqlı məlumatı bu nömrəyə göndərin 055 461 71 21 WHATSAPP