“İnsan inkişafı və yaşayış keyfiyyəti” kitabı çapdan çıxıb

İqtisadiyyat İnstitutunun baş elmi işçisi, iqtisad üzrə fəlsəfə doktorları, dosentlər Cəlil Quliyev və Pərviz Həsənovun müəllifliyi ilə “İnsan inkişafı və yaşayış keyfiyyəti” monoqrafiyası çap olunub.

Kitabda iqtisadi artımla insan inkişafının qarşılıqlı əlaqəsinin elmi-nəzəri əsasları, iqtisadi artımla insanların imkan bərabərliyinin qarşılıqlı əlaqələri, Azərbaycanda davamlı inkişaf və əhalinin yaşayış keyfiyyətinin dəyişməsi meyilləri araşdırılıb. Azərbaycanda əhalinin həyat keyfiyyəti təhlil olunub və yaxşılaşdırılması istiqamətində təkliflər verilib.

Kitabın elmi redaktoru Həyat səviyyəsinin sosial-iqtisadi problemləri şöbəsinin müdiri, iqtisad üzrə fəlsəfə doktoru, dosent Rəsmiyyə Abdullayeva, rəyçiləri isə iqtisad elmləri doktoru, professor Rövşən Quliyev və iqtisad üzrə fəlsəfə doktoru Rəşad Hüseynovdur.